大阪玩具批發街「松屋町」 超抵買尋寶必去
發布時間： 2019/01/23 13:46
最後更新： 2020/05/21 18:58
▲ 想帶小朋友去大阪買玩具，可以去玩具批發街松屋町慢慢揀！
東京玩具批發街「蔵前」就經常去，但大阪玩具批發街，還是第二次來，「おもちゃ問屋」（玩具批發街） 松屋町，我們來了！
乘大阪市高速電動軌道長堀鶴見緑地線至「松屋町站」，找1號出口，便已經是玩具街。在街角已有一間很大間的玩具屋，擺滿不同大大小小的玩具，如果買來作抽獎禮物就非常不錯。
我們找到了很多Minions的精品，其中Minions Tee有2至3款，各468日圓；Minions擦膠一大袋25粒，只是864日圓！
我最愛就是店舖將全部的卡通面具掛在牆上，每個324日圓，有幪面超人、叮噹、戰隊、Hello Kitty所有朋友、百變小櫻、Star Wars、妖怪手錶、Mario、鹹蛋超人等等，總之你講得出的也有，我覺得買來做手信一流。
很多小朋友愛玩的38mm彈彈波，只需2,117日圓就有100個，阿太：
嘩！除返開，$1.5一個都唔洗，原來咁平（但一買就要買100個喎，邊到有咁多位擺？）
在店的大門口放滿各式煙花（108日圓起），阿太：「最衰香港唔可以放煙花啦！！」（係囉！ ）
不過，批發街也不是間間店舖都會做零售的，部份批發店會在門外貼出告示。不過，如果你只是入店內參觀也是歡迎的。
而在批發街中，我們逗留得最耐的就是另一間店舖「食玩王國」，這簡直就是阿太的天堂，阿太：
嘩！ 好多Re-Ment呀（盒玩系列品牌）！ 全部都有75折喎！（75折又點，我諗你9成都買晒啦。）
突然有人狂叫：「哎呀！原來呢個架做大特價，全部都係1,500日圓……呢盒我本來唔想買，依家咁平，一定要買啦！呢盒Kitty都一定要買，唔買對唔住自己……」
我的兒子SY又高叫：「爸爸！我都想買Minions朱古力蛋（1,500日圓）！」（雖然不是大特價，但都平過超市，買埋啦。）
其實，店的另一邊也有Bandai的食玩，不過食玩戰隊模型我已經沒有時間砌了，所以還是看完放回原處好了。結果，更喜出望外的是，老闆在結帳後還送了一本介紹Hello Kitty食玩的特刊給阿太，有人開心了全日。
松屋町筋商店街
交通︰乘大阪高速電動軌道，長堀鶴見緑地線至「松屋町站」，1號出口
文章獲大仁生活授權轉載
撰文 : 大仁生活
